Мэдээ:
  • Төрөлт: Улсын хэмжээнд 2019 оны 1 сарын байдлаар 5956 эх төрсөн нь өнгөрсөн оны мөн үеэс 277 төрөлтөөр буюу 4.4 хувиар буурсан байна. Амьд төрсөн хүүхэд: 2019 оны 1 сарын байдлаар улсын хэмжээнд 6001 хүүхэд амьд төрсөн нь өнгөрсөн оны мөн үеэс 270 хүүхдээр буюу 4.3 хувиар буурчээ. Амьд төрсөн хүүхдийн 3063 буюу 51.0 хувь нь хүү, 2938 буюу 49.0 хувь нь охин байна. Эхийн эндэгдэл: Улсын хэмжээнд 2019 оны 1 сарын байдлаар эхийн эндэгдлийн 3 тохиолдол бүртгэгдэж, 100 000 амьд төрөлтөд 50.0 байгаа нь өнгөрсөн оны мөн үеэс 2 тохиолдлоор буюу 100 000 амьд төрөлтөд 34.1-оор өссөн байна. Нялхсын эндэгдэл: Улсын хэмжээнд нялхсын эндэгдлийн 112 тохиолдол бүртгэгдэж, 1000 амьд төрөлтөд 18.7 ногдож байгаа нь өнгөрсөн оны мөн үетэй харьцуулахад 16 тохиолдлоор буюу 1000 амьд төрөлтөд 3.4-оор өссөн үзүүлэлттэй байна.Тав хүртэлх насны хүүхдийн эндэгдэл: Улсын хэмжээнд 2019 оны 1 сарын байдлаар тав хүртэлх насны хүүхдийн эндэгдлийн 139 тохиолдол бүртгэгдэж, 1000 амьд төрөлтөд 23.2 ногдож байгаа нь өмнөх оны мөн үетэй харьцуулахад 26 тохиолдлоор нэмэгдсэн байна. Нас баралт: 2019 оны 1 сарын байдлаар нас баралтын 1573 тохиолдол бүртгэгдсэн нь өнгөрсөн оны мөн үеэс 87 тохиолдлоор өссөн байна. Нийт нас баралтын 917 тохиолдол буюу 58.3 хувь нь эрэгтэй, 656 буюу 41.7 хувь нь эмэгтэй байна. Халдварт өвчин: Улсын хэмжээнд 18 төрлийн 3671 халдварт өвчний тохиолдол бүртгэгдэж, 10 000 хүн амд 11.6 ногдож байна. Өмнөх оны мөн үеэс 333 тохиолдлоор буюу 10 000 хүн амд ногдох өвчлөл 0.9-оор нэмэгдсэн байна.

Мэдээ, мэдээлэл

Дэлхий дахинаа бүртгэгдэж буй нас баралтын 9.1% нь осол гэмтлийн шалтгаантай байна. ДЭМБ-ын 2010 оны тайланд зам тэврийн ослын улмаас 1.25 сая хүн нас барсан гэж дурджээ. Дээрх осол гэмтэлд нэрвэгдэгчдийн 75% нь хөдөлмөрийн насны залуу хүмүүс байжээ. Бидний амьдралд өдөр тутам тохиолдох 20 гэмтэл тутмаас 1 хүн нас барж, 1 хүн хөдөлмөрийн чадвараа насан турш алддаг байна.  Зам тээврийн болон бусад төрлийн осол гэмтэл бага болон дунд орлоготой ялангуяа уул уурхайн салбар хурдацтай хөгжиж байгаа улс орнуудад илүүтэй тохиолдож байна.  Бага болон дунд орлоготой улс орнуудад гэмтлийн тусламж үйлчилгээний тогтолцоог өндөр орлоготой, хөгжсөн улс орнуудынхтай адилаар байгуулж, хөгжүүлж чадвал гэмтлийн улмаас учрах нас баралтыг 34-38% бууруулах боломжтой гэж тооцоолжээ.

Монгол улсад осол гэмтлийн улмаас нас барах, хөдөлмөрийн чадвараа алдах явдал эрчимтэй нэмэгдэж байгаа бгөөөд энэ нь өрх гэрийн амьдрал, улмаар эрүүл мэндийн салбар болон эдийн засагт ихээхэн хохирол учруулж байна. Монгол улсын хүн амын статистик мэдээгээр осол гэмтлийн улмаас нас баралт нь хүн амын нас баралтын шалтгааны 3-рт, осол гэмтлийн өвчлөл нь хүн амын өвчлөлийн 5-рт орж байна. 2014 онд осол гэмтлийн өвчлөл эрэгтэйчүүдэд эмэгтэйчүүдээс 1.8 дахин илүү тохиолдож, эрэгтэйчүүдийн осол гэмтлийн өвчлөлийн 52.4 хувийг 20-44 насныхан  эзэлж байна. Мөн осол гэмтлийн улмаас 10 000 хүнд оногдох нас баралт 9.3 байна.

 2015 оны 6 сарын 3-нд Францын эмнэлгийн тоног төхөөрөмж үйлдвэрлэгч 5 компани Монголын эрүүл мэндийн байгууллага болон ханган нийлүүлэгч компаниудтай уулзалт зохион байгууллаа.

Уулзалтаар эмнэлгийн тоног төхөөрөмж үйлдвэрлэгч Air Liquide Medical Systems, Apelem, Schiller, Esaote, OxyplusNovair компаниуд өөрсдийн компаний танилцуулга болон үйлдвэрлэдэг тоног төхөөрөмж, шинэ дэвшилтэт тоног төхөөрөмжүүдийг танилцуулсан.

Эдгээр 5 компани нь цаашид Монгол улсад бүтээгдэхүүн үйлчилгээгээ нийлүүлэх сонирхолтой байгаагаа уулзалтын үеэр мэдэгдсэн бөгөөд уг 5 компани нь  ГССҮТ-д төслөөр мэс засал, сэхээн амьдруулах тасгийн, оношилгооны тоног төхөөрөмж болон эмнэлгийн хийн үйлдвэрийг хийж гүйцэтгэсэн.

Эдгээрээс Esaote компаний EchoLaser аппарат нь эмчилгээ, оношилгоо, хагалгааны төхөөрөмжүүдийг нэгтгэн бүрдүүлсэн цогц бүтээгдэхүүн юм.

Монгол улсын Эрүүл мэнд, спортын сайдын 2015 оны 05 сарын 12-ны өдрийн 192 дугаар тушаалаар Эрүүл мэндийн хөгжлийн төвөөс эмийн бүтээгдэхүүний гэрчилгээг үндэсний үйлдвэрийн эмэнд олгож эхэллээ.

Эмийн бүтээгдэхүүний гэрчилгээ гэдэг нь уг эмийн бүтээгдэхүүний талаарх бүрэн мэдээллийг агуулсан албан ёсны баримт бичиг бөгөөд“Эм үйлдвэрлэлийн зохистой дадал”-ыг нэвтрүүлсэн үйлдвэрт бүтээгдэхүүнээ экспортод гаргахад нь зориулжэрх бүхий байгууллагаасолгогддог юм.

Монгол улсын Айвико тарилгын шингэний эмийн үйлдвэр нь “Эм үйлдвэрлэлийн зохистой дадал” буюу GMP-ын шаардлага хангаж, батламж авсан анхны үндэсний эмийн үйлдвэр юм.

Ийнхүү Эмийн бүтээгдэхүүний анхны гэрчилгээг GMP-ыншаардлага хангасан Айвико эмийн үйлдвэрийн  “Фентанил” эмэнд уг үйлдвэрийн хүсэлтийг нь үндэслэн шаардлага хангасан гэж үзсэн тул олголоо.

Энэхүү гэрчилгээг авснаар уг үйлдвэрлэгчийн  “Фентанил” бүтээгдэхүүнийгэкспортлох боломжтой болж байгаа бөгөөд манай улсын экспортлох бүтээгдэхүүний нэр төрөл, хэмжээ нэмэгдсэнээр  эдийн засагт ч эерэг нөлөө үзүүлэх юм.Энэхүү гэрчилгээг гардуулах ёслолын ажиллагаа 2015 оны 6 сарын 08-нд Эрүүл мэндийн хөгжлийн төв дээр боллоо.

Эрүүл мэндийн хөгжлийн төвөөс жил бүр эрүүл мэндийн үндсэн үзүүлэлтүүдийг олон улсын аргачлалын дагуу тооцон, дүгнэлт хийж эмхэтгэл хэлбэрээр гаргадаг бөгөөд уг эмхэтгэлийг мэдээлэл хэрэглэгчдэд танилцуулах, түгээх,  нотолгоонд суурилсан шийдвэр гаргалтыг дэмжих зорилгоор танилцуулах уулзалтыг жил бүр зохион байгуулдаг.

2014 оны “Эрүүл мэндийн үзүүлэлт” номын танилцуулгыг 2015 оны 6 сарын 08-ны өдөр Уулзалтанд ЭМЯ, Үндэсний статистикийн хороо,  нийслэлийн эрүүл мэндийн газар, төв эмнэлэг тусгай мэргэжлийн төвүүдийн удирдах ажилтнууд, Глобаль сан, ЭМСХХ-5, төрийн бус байгууллагын 20 гаруй  мэдээлэл хэрэглэгчид оролцлоо.

Энэхүү эмхэтгэл нь  Монгол улсын Мянганы хөгжлийн зорилтын эрүүл мэндийн үзүүлэлт, эрүүл мэндийн салбарын үндсэн үзүүлэлтүүдийг эмнэлгийн тусламж үйлчилгээний шатлалаар, хүн амын өвчлөлийн болон нас баралтын тэргүүлэх шалтгаануудыг бүс нутгаар гаргаж, үндэсний хэмжээнд хэрэгжиж буй НЭМ-ийн хөтөлбөрүүдийн шалгуур үзүүлэлтүүдийг тооцон харуулдаг.

2014 оны эмхэтгэлд шинэчлэгдэн батлагдсан тайлангийн маягтын дагуу эрүүл мэндийн үзүүлэлтийг гарган, тооцоололтыг хийсэн, халдварт бус өвчний дүгнэлтэд хүн амын өвчлөлийг насны бүлэг дотор хүйсээр гаргасан ба нийт 46 хүснэгт, 54 зураг, 35 газарзүйн байршлын дүрслэлээр илэрхийлэн мэдээлэл хэрэглэгчдийн  хүртээл болгож байгаагаараа онцлог юм.

Эрүүл  мэндийн үзүүлэлт” номыг Англи, Монгол хэл дээр хэвлүүлэн бүх түвшний мэдээлэл хэрэглэгчид, төрийн байгууллагууд,  олон улсын байгууллагууд, төрийн бус байгууллагууд, эрдэм шинжилгээний байгууллагуудын  150 гаруй мэдээлэл хэрэглэгчдэд  үнэ төлбөргүйгээр түгээдэг.