Мэдээ:
  • Төрөлт:Улсын хэмжээнд 2018 оны эхний 10 сарын байдлаар 64 112 эх төрсөн нь өнгөрсөн оны мөн үеэс 3295 төрөлтөөр буюу 5.4 хувиар өссөн байна. Амьд төрсөн хүүхэд:2018 оны эхний 10 сарын байдлаар улсын хэмжээнд 64 515 хүүхэд амьд төрсөн нь өнгөрсөн оны мөн үеэс 3328 хүүхдээр буюу 5.4 хувиар өсчээ. Амьд төрсөн хүүхдийн 33 172 буюу 51.4 хувь нь хүү, 31 343 буюу 48.6 хувь нь охин байна. Эхийн эндэгдэл:Улсын хэмжээнд 2018 оны эхний 10 сарын байдлаар эхийн эндэгдлийн 15 тохиолдол бүртгэгдэж, 100 000 амьд төрөлтөд 23.3 байгаа нь өнгөрсөн оны мөн үеэс 100 000 амьд төрөлтөд 1.2-оор буурсан байна. Нялхсын эндэгдэл:Улсын хэмжээнд нялхсын эндэгдлийн 865 тохиолдол бүртгэгдэж, 1000 амьд төрөлтөд 13.4 ногдож байгаа нь өнгөрсөн оны мөн үетэй харьцуулахад 16 тохиолдлоор өссөн хэдий ч 1000 амьд төрөлтөд 0.5-оор буурсан үзүүлэлттэй байна. Тав хүртэлх насны хүүхдийн эндэгдэл:Улсын хэмжээнд 2018 оны эхний 10 сарын байдлаар тав хүртэлх насны хүүхдийн эндэгдлийн 1088 тохиолдол бүртгэгдэж, 1000 амьд төрөлтөд 16.9 ногдож байгаа нь өмнөх оны мөн үетэй харьцуулахад 54 тохиолдлоор нэмэгдсэн байна. Нас баралт:2018 оны эхний 10 сарын байдлаар нас баралтын 14 360 тохиолдол бүртгэгдсэн нь өнгөрсөн оны мөн үеэс 1251 тохиолдлоор өссөн байна. Нийт нас баралтын 8689 тохиолдол буюу 60.5 хувь нь эрэгтэй, 5671 буюу 39.5 хувь нь эмэгтэй байна. Халдварт өвчин:Улсын хэмжээнд 26 төрлийн 34 300 халдварт өвчний тохиолдол бүртгэгдэж, 10 000 хүн амд 107.9 ногдож байна. Өмнөх оны мөн үеэс 2395 тохиолдлоор буюу 10 000 хүн амд ногдох өвчлөл 12.1-оор буурсан байна.

Мэдээ, мэдээлэл

МОНГОЛ УЛСАД:

Газар хөдлөлт:

Баянхонгор аймгийн Баацагаан сумаас зүүн урд зүгт 15 км-ийн зайд “Нарийн гол” 03 дугаар сарын 18-ны өдрийн 14:09:54 цагт 4.0 магнитудын; Говь-Алтай аймгийн Алтай сумаас зүүн урд зүгт 180 км-ийн зайд 03 дугаар сарын 18-ны өдрийн 19:35:34 цагт 3.5 магнитудын; Өмнөговь аймгийн Булган сумаас баруун хойт зүгт 49 км-ийн зайд Дэн багийн “Хайрхан эрэг” гэдэг газарт 3 дугаар сарын 18-ны өдрийн 19:44:34 цагт 3.6 магнитудын хүчтэй газар хөдлөлт болсон тухай тус тус мэдээлжээ.

Газар хөдлөлт болсон газруудад учирсан хохирол байхгүй байна.

Эх сурвалж: ОБЕГ

Томуу, томуу төст өвчин, улсын хэмжээнд:
Улсын хэмжээнд 10 дугаар долоо хоногт нийт 162971 хүн амбулаториор үйлчлүүлсний 14,347 (8.8%) нь томуу томуу төст өвчтэй гэж оношлогдож, 10,000 хүн амд 48.8 тохиолдол бүртгэгдсэн нь өнгөрсөн 7 хоногоос буурчээ.
ХӨСҮТ-д 138 сорьц хүлээн авч шинжлэхэд нийт 21 (15,2%) сорьцонд томуугийн В вирүсийн ген, сорьцуудаас түүвэрлэн сонгосон 32 (23,1) сорьцод шинжилгээ хийхэд 8 (25%) сорьцонд хүний метапневмовирүс, 6 (18%) сорьцод респиратор-синцитиаль вирүс, 3 (9%) сорьцод риновирүс, 2 (6%) сорьцод бокавирүсийн ген тус тус тодорхойлогдлоо.


Эх сурвалж: ХӨСҮТ

ЭМНЭЛГИЙН МЭРГЭЖИЛТНИЙ МЭРГЭЖЛИЙН ҮЙЛ АЖИЛЛАГАА ЭРХЛЭХ ЗӨВШӨӨРӨЛ ОЛГОХ ЦААСАН ШАЛГАЛТАНД ОРСОН ЭМНЭЛГИЙН МЭРГЭЖИЛТНИЙ НЭРС, ДҮН/2016.03.15/

Олон улсын хэрэглэгчийн эрхийг хамгаалах өдрийг тохиолдуулан Ухаалаг хэрэглээ-соёлтой үйлчилгээ” өдөрлөгийн нээлтийн үйл ажиллагаанд ЭМХТ-ийн албадууд идэвхтэй оролцож өөрийн үйл ажиллагааны мэдээллийг иргэдэд хүргэв.               

Иргэдэд антибиотикийн зохистой хэрэглээг төлөвшүүлэх, “Антибиотикийн талаархи мэдлэг, хандлагыг дээшлүүлэх” зорилгоор брошур, гарын авлага, зурагт хуудас тарааж мэдээлэл өгөв.