Мэдээ:
  • Төрөлт: Улсын хэмжээнд 2019 оны 1 сарын байдлаар 5956 эх төрсөн нь өнгөрсөн оны мөн үеэс 277 төрөлтөөр буюу 4.4 хувиар буурсан байна. Амьд төрсөн хүүхэд: 2019 оны 1 сарын байдлаар улсын хэмжээнд 6001 хүүхэд амьд төрсөн нь өнгөрсөн оны мөн үеэс 270 хүүхдээр буюу 4.3 хувиар буурчээ. Амьд төрсөн хүүхдийн 3063 буюу 51.0 хувь нь хүү, 2938 буюу 49.0 хувь нь охин байна. Эхийн эндэгдэл: Улсын хэмжээнд 2019 оны 1 сарын байдлаар эхийн эндэгдлийн 3 тохиолдол бүртгэгдэж, 100 000 амьд төрөлтөд 50.0 байгаа нь өнгөрсөн оны мөн үеэс 2 тохиолдлоор буюу 100 000 амьд төрөлтөд 34.1-оор өссөн байна. Нялхсын эндэгдэл: Улсын хэмжээнд нялхсын эндэгдлийн 112 тохиолдол бүртгэгдэж, 1000 амьд төрөлтөд 18.7 ногдож байгаа нь өнгөрсөн оны мөн үетэй харьцуулахад 16 тохиолдлоор буюу 1000 амьд төрөлтөд 3.4-оор өссөн үзүүлэлттэй байна.Тав хүртэлх насны хүүхдийн эндэгдэл: Улсын хэмжээнд 2019 оны 1 сарын байдлаар тав хүртэлх насны хүүхдийн эндэгдлийн 139 тохиолдол бүртгэгдэж, 1000 амьд төрөлтөд 23.2 ногдож байгаа нь өмнөх оны мөн үетэй харьцуулахад 26 тохиолдлоор нэмэгдсэн байна. Нас баралт: 2019 оны 1 сарын байдлаар нас баралтын 1573 тохиолдол бүртгэгдсэн нь өнгөрсөн оны мөн үеэс 87 тохиолдлоор өссөн байна. Нийт нас баралтын 917 тохиолдол буюу 58.3 хувь нь эрэгтэй, 656 буюу 41.7 хувь нь эмэгтэй байна. Халдварт өвчин: Улсын хэмжээнд 18 төрлийн 3671 халдварт өвчний тохиолдол бүртгэгдэж, 10 000 хүн амд 11.6 ногдож байна. Өмнөх оны мөн үеэс 333 тохиолдлоор буюу 10 000 хүн амд ногдох өвчлөл 0.9-оор нэмэгдсэн байна.

Мэдээ, мэдээлэл

Азийн хөгжлийн банкны санхүүжилттэй  хэрэгжиж буй Эрүүл мэндийн салбар хөгжил хөтөлбөр-4 (ЭМСХХ-4) төслийн хүрээнд  Сонгинохайрхан дүүргийн 21 хороо, одоогийн  СХД –ийн Хүүхдийн нэгдсэн эмнэлгийн хашаанд 150-200 ортой төрөлжсөн мэргэжлийн жишиг нэгдсэн эмнэлгийг 2018-2019 онд барьж,  ашиглалтанд оруулахаар төлөвлөн ажиллаж байна.

Эрүүл мэндийн яам, Эрүүл мэндийн хөгжлийн төв болон Японы  олон  улсын хамтын ажиллагааны байгууллагатай  хамтран   хэрэгжүүлж буй  “Анхан ба хоёрдох  шатлалын  эмнэлгийн мэргэжилтэний төгсөлтийн дараах сургалтыг сайжруулах  нь” төслийн хүрээнд  “Эмнэл зүйн  сургагч багш бэлтгэх сургалт”  2016 оны 10 сарын 05-12-ны өдрүүдэд  Улаанбаатар хотод,  06-наас 08-ны өдрүүдэд  Орхон аймагт амжилттай зохион байгуулагдаж  дууслаа. 

 Эрүүл мэндийн хөгжлийн төв, Улсын Гурувдугаар Төв Эмнэлэг хамтран “Антибиотикийн талаарх мэдлэгийг дээшлүүлэх нь” нэртэй өдөрлөг зохион байгууллаа. Өдөрлөгийн үеэр Иргэдэд  үнэ төлбөргүй үзлэг, оношлогоо хийгдлээ. Нянгийн эсрэг эмийн зохистой хэрэглээний мэдлэгийг үнэлэх асуумж, судалгааг 180 эмчлүүлэгчээс авч дүгнэлээ. Нянгийн эсрэг эмийн зохистой хэрэглээний мэдлэгийг дээшлүүлэх сургалтыг 8 тасаг, нэгжид зохион байгуулсан ба нийт 207 эмчлүүлэгчийг хамруулсан. “Антибиотик эмийн зохистой хэрэглээ”, сэдвээр сургалт зохион байгуулж 407 иргэд, эмчлүүлэгчийг хамруулсан. 

Эрүүл мэндийн сайд  А.Цогцэцэг, дэд сайд Л.Бямбасүрэн нар болон ЭМЯ-ны удирдлагууд,  төв эмнэлэг, төрөлжсөн мэргэжлийн төвүүд, НЭМГ, дүүргийн ЭМН-ийн удирдлагууд, аймгуудын  ЭМГ-уудын удирдлагууд оролцсон Телехурал зохион байгуулагдлаа. Энэхүү  хурлаар Эрүүл мэндийн сайдын А93 дугаар “Шинжилгээний сорьц зөөвөрлөх журам”-ыг танилцуулсан байна. Түүнчлэн тулгамдсан болон цаг үеийн асуудлуудаар санал солилцож, үүрэг даалгавар өглөө.