Мэдээ:
  • Төрөлт: Улсын хэмжээнд 2018 оны эхний 6 сарын байдлаар 38 055 эх төрсөн нь өнгөрсөн оны мөн үеэс 2743 төрөлтөөр буюу 7.8 хувиар өссөн байна. Амьд төрсөн хүүхэд: 2018 оны эхний 6 сарын байдлаар улсын хэмжээнд 38 310 хүүхэд амьд төрсөн нь өнгөрсөн оны мөн үеэс 2774 хүүхдээр буюу 7.8 хувиар өсчээ. Амьд төрсөн хүүхдийн 19 716 буюу 51.5 хувь нь хүү, 18 594 буюу 48.5 хувь нь охин байна. Эхийн эндэгдэл: Улсын хэмжээнд 2018 оны эхний 6 сарын байдлаар эхийн эндэгдлийн 12 тохиолдол бүртгэгдэж, 100 000 амьд төрөлтөд 31.3 байгаа нь өнгөрсөн оны мөн үеэс 3 тохиолдол буюу 100 000 амьд төрөлтөд 6.0-оор өссөн байна. Нялхсын эндэгдэл: Улсын хэмжээнд нялхсын эндэгдлийн 529 тохиолдол бүртгэгдэж, 1000 амьд төрөлтөд 13.8 ногдож байгаа нь өнгөрсөн оны мөн үетэй харьцуулахад 1 тохиолдлоор өссөн хэдий ч 1000 амьд төрөлтөд 1.1-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2018 оны эхний 6 сарын байдлаар тав хүртэлх насны хүүхдийн эндэгдлийн 649 тохиолдол бүртгэгдэж, 1000 амьд төрөлтөд 16.9 ногдож байгаа нь өмнөх оны мөн үетэй харьцуулахад 24 тохиолдлоор нэмэгдсэн хэдий ч 1000 амьд төрөлтөд 0.7-оор буурсан үзүүлэлттэй байна. Нас баралт: 2018 оны эхний 6 сарын байдлаар нас баралтын 8515 тохиолдол бүртгэгдсэн нь өнгөрсөн оны мөн үеэс 770 тохиолдлоор өссөн байна. Нийт нас баралтын 5175 тохиолдол буюу 60.8 хувь нь эрэгтэй, 3340 буюу 39.2 хувь нь эмэгтэй байна. Халдварт өвчин: Улсын хэмжээнд 25 төрлийн 21 827 халдварт өвчний тохиолдол бүртгэгдэж, 10 000 хүн амд 68.7 ногдож байна. Өмнөх оны мөн үеэс 4250 тохиолдлоор буюу 10 000 хүн амд ногдох өвчлөл 16.6-оор буурсан байна.
МЭРГЭЖЛИЙН ҮЙЛ АЖИЛЛАГАА ЭРХЛЭХ ЗӨВШӨӨРЛИЙГ БАГЦ ЦАГ БИЕЛҮҮЛЖ СУНГУУЛАХАД БҮРДҮҮЛЭХ МАТЕРИАЛ

1.  Өргөдлийн маягт  /ЭМС-ын 98 дугаар тушаалаар баталсан загвараар/ энд дарж татаж авна уу.

2.  Байгууллагын албан тоот /ажилгүй бол хувь хүний өргөдөл/

3.  Дипломын хуулбар  /нотариатаар баталгаажуулсан/

4.  Иргэний үнэмлэхний хуулбар   

5.  Хугацаа дуусах  лиценз  /эх хувиараа/

6.  Багц цаг бүрдүүлэлтийн тайлангийн маягт  /хавсаргав/ энд дарж татаж авна уу.

- Багц цагийн сургалтад хамрагдсан сургалтын гэрчилгээнүүдийн хуулбарыг хавсаргах.

7. 3х4 хэмжээтэй зураг 2%

8.  Тэмдэгтийн хураамж төлсөн баримт: 5000 төг

    Хүлээн авагч банк: Улаанбаатар хотын банк

    Дансны дугаар:    2611192214

    Хүлээн авагч байгууллага:СБД.УТХ орон нутгийн төсөв

    Гүйлгээний утга:ЭМХТ  РД- 9086331

9. Эрүүл мэндийн сайдын 98 дугаар тушаалын 1.5 дахь заалтад хамрагдсан 25-аас дээш жил ажилласан эмнэлгийн мэргэжилтнүүд дээрх материалаас гадна хөдөлмөрийн дэвтэр, нийгмийн даатгалын дэвтэр, албан газрын тодорхойлолтыг хавсаргана.

10.2 жилийн эмчлэх эрхийн мэргэжлийн үйл ажиллагаа эрхлэх зөвшөөрлийг 5 жилийн хугацаагаар сунгуулах их эмч нар:

-       Тасралтгүй 24 сар ажилласан байх /НДД-ын хуулбарыг нотариатаар баталгаажуулж  хавсаргах/

-       1-р шатлалын эмнэлэгт 1 жилээс доошгүй хугацаанд ажилласан байх

-       Албан газрын тодорхойлолтыг хавсаргана.           

 ЖИЧ: 1. Дээрх материалуудыг бүрдүүлэн байгууллагадаа 2-3 сарын өмнө өгсөн байх

          2. Байгууллагын албан тоотод тухайн мэргэжилтний бүрдүүлсэн материалын хуудасны тоог хүн бүрээр гаргаж хавсаргах буюу тоотод тусгасан байна.

          3. Жил бүр цуглуулах ёстой 6 багц цаг /их эмч, эмз үйч/, 3 багц цаг /сувилагч, эх баригч, бага эмч, эм найруулагч/-ыг тухайн жилд нь тооцож, дараа он болон өмнөх онд шилжүүлж тооцохгүй.