Мэдээ:
  • Төрөлт: Улсын хэмжээнд 2019 оны эхний 4 сарын байдлаар 24 913 эх төрсөн нь өнгөрсөн оны мөн үеэс 227 төрөлтөөр буюу 0.9 хувиар буурсан байна. Амьд төрсөн хүүхэд: Улсын хэмжээнд 2019 оны эхний 4 сарын байдлаар 25 075 хүүхэд амьд төрсөн нь өнгөрсөн оны мөн үеэс 235 хүүхдээр буюу 0.9 хувиар буурчээ. Амьд төрсөн хүүхдийн 12 729 буюу 50.8 хувь нь хүү, 12 346 буюу 49.2 хувь нь охин байна. Эхийн эндэгдэл: Улсын хэмжээнд 2019 оны эхний 4 сарын байдлаар эхийн эндэгдлийн 5 тохиолдол бүртгэгдэж, 100 000 амьд төрөлтөд 19.9 байгаа нь өнгөрсөн оны мөн үеэс 2 тохиолдлоор буюу 100 000 амьд төрөлтөд 7.8-оор буурсан байна. Нялхсын эндэгдэл: Улсын хэмжээнд 2019 оны эхний 4 сарын байдлаар нялхсын эндэгдлийн 346 тохиолдол бүртгэгдэж, 1000 амьд төрөлтөд 13.8 ногдож байгаа нь өнгөрсөн оны мөн үетэй харьцуулахад 24 тохиолдлоор буюу 1000 амьд төрөлтөд 0.8-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 4 сарын байдлаар тав хүртэлх насны хүүхдийн эндэгдлийн 411 тохиолдол бүртгэгдэж, 1000 амьд төрөлтөд 16.4 ногдож байгаа нь өмнөх оны мөн үетэй харьцуулахад 29 тохиолдлоор буюу 1000 амьд төрөлтөд 1.0-оор буурсан байна. Нас баралт: Улсын хэмжээнд 2019 оны эхний 4 сарын байдлаар нас баралтын 5735 тохиолдол бүртгэгдсэн нь өнгөрсөн оны мөн үеэс 18 тохиолдлоор өссөн байна. Нийт нас баралтын 3457 тохиолдол буюу 60.3 хувь нь эрэгтэй, 2278 буюу 39.7 хувь нь эмэгтэй байна. Халдварт өвчин: Улсын хэмжээнд 2019 оны эхний 4 сарын байдлаар 25 төрлийн 14 145 халдварт өвчний тохиолдол бүртгэгдэж, 10 000 хүн амд 43.7 ногдож байна. Өмнөх оны мөн үеэс 728 тохиолдлоор буюу 10 000 хүн амд ногдох өвчлөл 1.5-оор нэмэгдсэн байна.
ЭМХТ “Аюулгүй, ухаалаг бараа, бүтээгдэхүүн” аянд нэгдлээ

Монгол Улсын Засгийн газраас 2019 оныг “Иргэн төвтэй төрийн үйлчилгээний жил” болгон зарласантай холбогдуулан Шударга өрсөлдөөн, хэрэглэгчийн төлөө газраас олон улсын хэрэглэгчийн эрхийг хамгаалах өдрийг тэмдэглэн өнгөрүүлэхээр гуравдугаар сарын 1-ээс 15-ны өдрүүдэд зохион байгуулж байгаа “Аюулгүй, ухаалаг бараа, бүтээгдэхүүн” сэдэвт аянд Эрүүл мэндийн хөгжлийн төв нэгдэн аяны удирдамжийг үйл ажиллагаандаа хэрэгжүүлэн ажиллаж байна.

Аяны хүрээнд байгууллагаасаа эрүүл мэндийн салбарын хүрээнд хүргэдэг үйлчилгээ болох эмийн бүртгэл, эрүүл мэндийн байгууллагын магадлан итгэмжлэл, эмнэлгийн мэргэжилтний төгсөлтийн дараах сургалтын элсэлтийн талаарх мэдээллийг хэрэглэгчдэд хүргэж байна.

Та бүхэн манай байгуулагын болон дээрх үйл ажиллагаануудын талаар санал, хүсэлт гомдол байвал төвийн санал хүсэлт авах 70128805 утсанд хандаарай.

Эмийн бүртгэлийн талаар мэдээллийг

http://hdc.gov.mn/content.php?type=service&id=127

Эрүүл мэндийн байгууллагын магадлан итгэмжлэлийн талаар

http://hdc.gov.mn/content.php?id=1885&cid=1885

эмнэлгийн мэргэжилтний төгсөлтийн дараах сургалтын элсэлтийн талаар

http://hdc.gov.mn/content.php?id=6&cid=1963 холбоосуудаар Эрүүл мэндийн хөгжлийн төвийн www.hdc.gov.mn  вэб сайтаас аваарай.