Мэдээ:
  • Төрөлт: Улсын хэмжээнд 2019 оны эхний 4 сарын байдлаар 24 913 эх төрсөн нь өнгөрсөн оны мөн үеэс 227 төрөлтөөр буюу 0.9 хувиар буурсан байна. Амьд төрсөн хүүхэд: Улсын хэмжээнд 2019 оны эхний 4 сарын байдлаар 25 075 хүүхэд амьд төрсөн нь өнгөрсөн оны мөн үеэс 235 хүүхдээр буюу 0.9 хувиар буурчээ. Амьд төрсөн хүүхдийн 12 729 буюу 50.8 хувь нь хүү, 12 346 буюу 49.2 хувь нь охин байна. Эхийн эндэгдэл: Улсын хэмжээнд 2019 оны эхний 4 сарын байдлаар эхийн эндэгдлийн 5 тохиолдол бүртгэгдэж, 100 000 амьд төрөлтөд 19.9 байгаа нь өнгөрсөн оны мөн үеэс 2 тохиолдлоор буюу 100 000 амьд төрөлтөд 7.8-оор буурсан байна. Нялхсын эндэгдэл: Улсын хэмжээнд 2019 оны эхний 4 сарын байдлаар нялхсын эндэгдлийн 346 тохиолдол бүртгэгдэж, 1000 амьд төрөлтөд 13.8 ногдож байгаа нь өнгөрсөн оны мөн үетэй харьцуулахад 24 тохиолдлоор буюу 1000 амьд төрөлтөд 0.8-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 4 сарын байдлаар тав хүртэлх насны хүүхдийн эндэгдлийн 411 тохиолдол бүртгэгдэж, 1000 амьд төрөлтөд 16.4 ногдож байгаа нь өмнөх оны мөн үетэй харьцуулахад 29 тохиолдлоор буюу 1000 амьд төрөлтөд 1.0-оор буурсан байна. Нас баралт: Улсын хэмжээнд 2019 оны эхний 4 сарын байдлаар нас баралтын 5735 тохиолдол бүртгэгдсэн нь өнгөрсөн оны мөн үеэс 18 тохиолдлоор өссөн байна. Нийт нас баралтын 3457 тохиолдол буюу 60.3 хувь нь эрэгтэй, 2278 буюу 39.7 хувь нь эмэгтэй байна. Халдварт өвчин: Улсын хэмжээнд 2019 оны эхний 4 сарын байдлаар 25 төрлийн 14 145 халдварт өвчний тохиолдол бүртгэгдэж, 10 000 хүн амд 43.7 ногдож байна. Өмнөх оны мөн үеэс 728 тохиолдлоор буюу 10 000 хүн амд ногдох өвчлөл 1.5-оор нэмэгдсэн байна.
Олон нийтэд хүргэх мэдээлэл

Лицензийн шалгалтад тэнцүүлж өгнө гэх зарын дагуу байгууллагын цахим мэдээллийн хэрэгслээр 
олон нийтэд хүргэх мэдээлэл

2019.03.06

Мэргэжлийн үйл ажиллагаа эрхлэх зөвшөөрлийн буюу лицензийн шалгалтад тэнцүүлж өгнө гэсэн залилангийн шинжтэй хуурамч зарууд гарч байна. Эдгээр зарын дагуу мөнгө өгч залилуулсан тохиолдолд Эрүүл мэндийн хөгжлийн төв хариуцлага хүлээхгүй болно.

Харин та бүхэн энэ талаар үнэн, нотлох баримттай мэдээлэлтэй бол Эрүүл мэндийн хөгжлийн төвийн Захиралд хандан өргөдөл бичиж өгөөрэй. Мөн 70128805 утсаар мэдэгдэж болно. Төрийн албан хэрэг хөтлөлтийн үндсэн зааврын дагуу өргөдлийн хариуг тухайн иргэний нэр, хаягаар явуулдаг тул та өргөдөлдөө нэр, хаягаа тодорхой бичээрэй. Бид тухайн асуудлаар судлан шуурхай, шудрагаар шийдвэрлэн хариу өгөх болно. Залилангийн шинжтэй хуурамч зараас болж цаг хугацаа, мөнгө санхүүгээрээ хохирох байдлыг таслан зогсоохын тулд хамтран ажиллацгаая.

Шалгалт өгөх гэж буй эмнэлгийн мэргэжилтнүүд Эрүүл мэндийн хөгжлийн төвийн цахим хуудсанд байршуулсан Жишиг сорилоос шалгалтандаа бэлдээрэй. http://hdc.gov.mn/content.php?id=1644&cid=1644