Мэдээ:
  • Төрөлт: Улсын хэмжээнд 2019 оны эхний 3 сарын байдлаар 18 235 эх төрсөн нь өнгөрсөн оны мөн үеэс 321 төрөлтөөр буюу 1.7 хувиар буурсан байна. Амьд төрсөн хүүхэд: 2019 оны эхний 3 сарын байдлаар улсын хэмжээнд 18 352 хүүхэд амьд төрсөн нь өнгөрсөн оны мөн үеэс 319 хүүхдээр буюу 1.7 хувиар буурчээ. Амьд төрсөн хүүхдийн 9284 буюу 50.6 хувь нь хүү, 9068 буюу 49.4 хувь нь охин байна. Эхийн эндэгдэл: Улсын хэмжээнд 2019 оны эхний 3 сарын байдлаар эхийн эндэгдлийн 4 тохиолдол бүртгэгдэж, 100 000 амьд төрөлтөд 21.8 байгаа нь өнгөрсөн оны мөн үеэс 1 тохиолдлоор буюу 100 000 амьд төрөлтөд 5.0-оор буурсан байна. Нялхсын эндэгдэл: Улсын хэмжээнд 2019 оны эхний 3 сарын байдлаар нялхсын эндэгдлийн 268 тохиолдол бүртгэгдэж, 1000 амьд төрөлтөд 14.6 ногдож байгаа нь өнгөрсөн оны мөн үетэй харьцуулахад 13 тохиолдолоор буюу 1000 амьд төрөлтөд 0.5-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 3 сарын байдлаар тав хүртэлх насны хүүхдийн эндэгдлийн 317 тохиолдол бүртгэгдэж, 1000 амьд төрөлтөд 17.3 ногдож байгаа нь өмнөх оны мөн үетэй харьцуулахад 15 тохиолдолоор буурсан байна. Нас баралт: 2019 оны эхний 3 сарын байдлаар нас баралтын 4304 тохиолдол бүртгэгдсэн нь өнгөрсөн оны мөн үеэс 38 тохиолдолоор буурсан байна. Нийт нас баралтын 2613 тохиолдол буюу 60.7 хувь нь эрэгтэй, 1691 буюу 39.3 хувь нь эмэгтэй байна. Халдварт өвчин: Улсын хэмжээнд 2019 оны эхний 3 сарын байдлаар 23 төрлийн халдварт өвчний 10 155 тохиолдол бүртгэгдэж, 10 000 хүн амд 31.4 ногдож байна. Өмнөх оны мөн үеэс 565 тохиолдлоор буюу 10 000 хүн амд ногдох өвчлөл 1.2-оор нэмэгдсэн байна.
ЭМНЭЛГИЙН МЭРГЭЖИЛТНИЙ ЁСЗҮЙН БА АНАГААХ УХААНЫ ЭРХЗҮЙН СУРГАЛТУУД ЗОХИОГДОЖ БАЙНА

Сүүлийн таван жилд нийт  323 эмнэлгийн эрх зүйн зөрчил бүртгэгдсэн байна. Эдгээрээс 11.8% нь эмнэлгийн, 47.8% нь эмчийн гэм буруугүй үйлдэл буюу золгүй тохиолдол, 40.4%  эмчийн алдаа буюу захиргааны эрх зүйн зөрчил байлаа.

Эрүүл мэндийн яам болон Эрүүл мэндийн хөгжлийн төвийн хэрэгжүүлж  буй “Монгол улсад нийгмийн эгэх хариуцлагыг бэхжүүлэх төсөл”-ийн хүрээнд эмч, эмнэлгийн мэргэжилтний ёс зүй, харилцаа хандлагын асуудал хөндөгдөн, ёс зүй, харилцаа хандлагыг сайжруулах сургалтыг тасралтгүй зохион байгуулах шаардлагатай гэсэн зөвлөмж гарсан байна.

            Эмч эмнэлгийн мэргэжилтний үүргээ сайн биелүүлэх үндэс нь хууль болон эрх зүйн актыг чанд мөрдөж ажиллах, ёс зүй болон эрх зүйн ухамсар, мэдлэг эзэмшүүлэх нь чухал асуудал юм.

            Эрүүл мэндийн тусламж үйлчилгээний чанарын нэг чухал шалгуур үзүүлэлт нь үйлчлүүлэгчийн сэтгэл ханамж бөгөөд үйлчлүүлэгч эмнэлгийн мэргэжилтнээс оношилгоо, эмчилгээний тусламжийг чанартай авахыг хүсэхээс гадна, үйлчлүүлэгчийг хүндэтгэх, тэдний эрх ашгийг дээдлэх, нууцыг хадгалах, тэгш шударга хандах зэрэг хүмүүнлэг харилцаа хүсэн хүлээдэг.

            Мөн эмч, эмнэлгийн мэргэжилтнүүдийн эрх зөрчигдөх, үйлчлүүлэгчийн эрхэд халдахаас сэргийлэхэд эрх зүйн мэдлэг олгох шаардлагатай байна.

            Дэлхийн нийтийн Анагаах ухааны Эрх зүйн хөгжлийн чиг хандлага нь Анагаах ухааны ёс зүй ба эрх зүйн асуудлыг хамтад нь авч үзэж энэ чиглэлээр сургалт, судалгаа шинжилгээ, зөвлөмж гаргах ажлыг төрийн бус байгууллагууд хэрэгжүүлж байна.

            Иймд эмч, эмнэлгийн мэргэжилтнүүдэд анагаах ухааны эрх зүй, эмнэлгийн мэргэжилтний ёс зүйн талаарх мэдлэгийг сайжруулах, улсын хэмжээнд ёс зүйн болон эрх зүйн зөрчлөөс сэргийлэх ажлыг эрчимжүүлэх шаардлагатай байна.

Уг саргалтыг 01 дүгээр сарын 17-ны өдөр ЭМЯ-нд зохион байгуулж УНТЭ, УГТЭ, ГССҮТ, ЭХЭМҮТ, ХӨСҮТ, АСҮТ, УХТЭ, ХСҮТ, СЭМҮТ, Нийслэлийн эрүүл мэндийн газрын харьяа эмнэлгийн дарга, захирал нар хамрагдлаа.

Түүнчлэн сургалтыг ЭХЭМҮТ, ХӨСҮТ-үүд дээр зохион байгуулж тус эмнэлгүүдийн эмч, мэргэжилтнүүд суралцлаа.