Мэдээ:
  • Төрөлт: Улсын хэмжээнд 2018 оны жилийн эцсийн байдлаар 77 058 эх төрсөн нь өнгөрсөн оны мөн үеэс 3174 төрөлтөөр буюу 4.3 хувиар өссөн байна. Амьд төрсөн хүүхэд: 2018 оны жилийн эцсийн байдлаар улсын хэмжээнд 77 528 хүүхэд амьд төрсөн нь өнгөрсөн оны мөн үеэс 3200 хүүхдээр буюу 4.3 хувиар өсчээ. Амьд төрсөн хүүхдийн 39 787 буюу 51.3 хувь нь хүү, 37 741 буюу 48.7 хувь нь охин байна. Нялхсын эндэгдэл: Улсын хэмжээнд нялхсын эндэгдлийн 1037 тохиолдол бүртгэгдэж, 1000 амьд төрөлтөд 13.4 ногдож байгаа нь өнгөрсөн оны мөн үетэй харьцуулахад 28 тохиолдлоор өссөн хэдий ч 1000 амьд төрөлтөд 0.2-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2018 оны жилийн эцсийн байдлаар тав хүртэлх насны хүүхдийн эндэгдлийн 1310 тохиолдол бүртгэгдэж, 1000 амьд төрөлтөд 16.9 ногдож байгаа нь өмнөх оны мөн үетэй харьцуулахад 66 тохиолдлоор нэмэгдсэн байна. Нас баралт: 2018 оны жилийн эцсийн байдлаар нас баралтын 17 331 тохиолдол бүртгэгдсэн нь өнгөрсөн оны мөн үеэс 1519 тохиолдлоор өссөн байна. Нийт нас баралтын 10 437 тохиолдол буюу 60.2 хувь нь эрэгтэй, 6894 буюу 39.8 хувь нь эмэгтэй байна. Халдварт өвчин: Улсын хэмжээнд 27 төрлийн 42 074 халдварт өвчний тохиолдол бүртгэгдэж, 10 000 хүн амд 132.4 ногдож байна. Өмнөх оны мөн үеэс 2226 тохиолдлоор буюу 10 000 хүн амд ногдох өвчлөл 12.5-оор буурсан байна.
Төгсөгчдийн мэргэжлийн үйл ажиллагаа эрхлэх зөвшөөрлийн шалгалт амжилттай зохион байгуулагдаж байна

Анагаах ухааны боловсрол олгох их дээд сургууль төгсөгчдийн мэргэжлийн үйл ажиллагаа эрхлэх зөвшөөрлийн шалгалт амжилттай зохион байгуулагдаж байна.

Анагаах ухааны боловсрол олгох 12 их дээд сургууль төгсөгчдийн мэргэжлийн үйл ажиллагаа эрхлэх зөвшөөрлийн шалгалт Эрүүл мэндийн хөгжлийн төвийн ерөнхий захирлын “Шалгалт зохион байгуулах тухай” 2018 оны А/73 дугаар тушаалын хүрээнд 2018 оны 06 дугаар сарын 13–ны өдөр амжилттай зохион байгуулагдаж эхэллээ.

 Өнөөдрийн байдлаар 09 -11цагийн хооронд Дархан –Уул, Говь –Алтай, Дорноговь аймаг дахь АШУҮИС-ийн салбар сургууль болон Улаанбаатар хотод Хүний их эмчийн чиглэлээр мэргэжлийн үйл ажиллагаа эрхлэх зөвшөөрлийн шалгалт 45 газар зохион байгуулагдан 1104 төгсөгч шалгалтад хамрагдсан байна. Үдээс хойш Нүүр амны их эмч, Монголын уламжлалт анагаахын их эмч, Эм зүйчийн чиглэлээр төгсөгчдийн мэргэжлийн үйл ажиллагаа эрхлэх зөвшөөрлийн шалгалт явагдаж байна.

Маргааш сувилагч, эм найруулагч, эх баригч, хөдөлгөөн засалч, хөдөлмөр засалчийн чиглэлээр шалгалт 2 ээлжээр зохион байгуулагдана.

Энэ жилийн хувьд төгсөгчид шалгалтын дүнг шалгалт өгч дууссан даруйд Эрүүл мэндийн хөгжлийн төвийн цахим хуудаснаас шууд шалгах боломжтой болсон.

 

Иймд та бүхэн ШАЛГАЛТЫН ДҮНГ яг одоо дараахь холбоосоор орж шалгах бүрэн боломж нээлттэй байна.

 

http://hdc.gov.mn/content.php?id=12&cid=12

http://hdc.gov.mn/license_shalgalt.html

 

 

 

Эрүүл мэндийн хөгжлийн төв

Шалгалт зохион байгуулах комисс

2018.06.13