Мэдээ:
  • Төрөлт: Улсын хэмжээнд 2019 оны эхний 4 сарын байдлаар 24 913 эх төрсөн нь өнгөрсөн оны мөн үеэс 227 төрөлтөөр буюу 0.9 хувиар буурсан байна. Амьд төрсөн хүүхэд: Улсын хэмжээнд 2019 оны эхний 4 сарын байдлаар 25 075 хүүхэд амьд төрсөн нь өнгөрсөн оны мөн үеэс 235 хүүхдээр буюу 0.9 хувиар буурчээ. Амьд төрсөн хүүхдийн 12 729 буюу 50.8 хувь нь хүү, 12 346 буюу 49.2 хувь нь охин байна. Эхийн эндэгдэл: Улсын хэмжээнд 2019 оны эхний 4 сарын байдлаар эхийн эндэгдлийн 5 тохиолдол бүртгэгдэж, 100 000 амьд төрөлтөд 19.9 байгаа нь өнгөрсөн оны мөн үеэс 2 тохиолдлоор буюу 100 000 амьд төрөлтөд 7.8-оор буурсан байна. Нялхсын эндэгдэл: Улсын хэмжээнд 2019 оны эхний 4 сарын байдлаар нялхсын эндэгдлийн 346 тохиолдол бүртгэгдэж, 1000 амьд төрөлтөд 13.8 ногдож байгаа нь өнгөрсөн оны мөн үетэй харьцуулахад 24 тохиолдлоор буюу 1000 амьд төрөлтөд 0.8-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 4 сарын байдлаар тав хүртэлх насны хүүхдийн эндэгдлийн 411 тохиолдол бүртгэгдэж, 1000 амьд төрөлтөд 16.4 ногдож байгаа нь өмнөх оны мөн үетэй харьцуулахад 29 тохиолдлоор буюу 1000 амьд төрөлтөд 1.0-оор буурсан байна. Нас баралт: Улсын хэмжээнд 2019 оны эхний 4 сарын байдлаар нас баралтын 5735 тохиолдол бүртгэгдсэн нь өнгөрсөн оны мөн үеэс 18 тохиолдлоор өссөн байна. Нийт нас баралтын 3457 тохиолдол буюу 60.3 хувь нь эрэгтэй, 2278 буюу 39.7 хувь нь эмэгтэй байна. Халдварт өвчин: Улсын хэмжээнд 2019 оны эхний 4 сарын байдлаар 25 төрлийн 14 145 халдварт өвчний тохиолдол бүртгэгдэж, 10 000 хүн амд 43.7 ногдож байна. Өмнөх оны мөн үеэс 728 тохиолдлоор буюу 10 000 хүн амд ногдох өвчлөл 1.5-оор нэмэгдсэн байна.
Сул ажлын байрны зар

НИЙГМИЙН ЭРҮҮЛ МЭНДИЙН ҮНДЭСНИЙ ТӨВ НЭЭЛТТЭЙ АЖЛЫН БАЙР ЗАРЛАЖ БАЙНА.

Ажлын байр:Эрүүл мэндийн нөлөөллийн үнэлгээ хариуцсан эрдэм шинжилгээний ажилтан

Тавигдах шаардлага

Мэргэжил:Эрүүл ахуйч, эпидемиологич, нийгмийн эрүүл мэнд судлаач

Туршлага:НЭМ-ийн чиглэлээр мэргэжлээрээ 3 ба түүнээс дээш жил ажилласан. Эрдэм шинжилгээ, судалгааны ажил хийсэн туршлагатай, орчны эрүүл мэндийн чиглэлээр цаашид ажиллах сонирхолтой. /Магистр зэрэгтэй бол сайн/

Ур чадвар

Ерөнхий шаардлага:

  • Анагаах ухааны судалгааны ёс зүйн хэм хэмжээ, төрийн байгууллагын соёл, дэг журмыг сахих, нууцыг чанд хадгалах чадвартай байх
  • Харилцааны өндөр соёлтой, хувийн зохион байгуулалт сайтай байх
  • Санаачлагатай, бүтээлч хандлагатай байх
  • Багаар болон бие даан ажиллах ур чадвартай байх
  • Шударга, ёс зүйтэй, хариуцлагатай байх

Мэргэжилийн шаардлага:

  • Мэргэжилийн холбогдолтой мэдээлэл боловсруулах, нэгтгэх, задлан шинжлэх чадвартай байх
  • Компеютерын хэрэглээний програм болон статистикийн анхан шатны програмуудыг ашиглах мэдлэгтэй байх
  • Англи хэлний бичгийн болон ярианы сайнаас дээш түвшний мэдлэгтэй байх

Бүрдүүлэх материал:

  • Ажилд орохыг хүссэн өргөдөл
  • Диплом, мэргэжлийн үнэмлэхний хуулбар
  • Гадаад хэлний мэдлэгийн түвшинг илтгэх гэрчилгээ
  • Намтар /3 үеийн/
  • Иргэний үнэмлэхийн хуулбар /Нотариатаар баталгаажуулсан/
  • 4 хувь цээж зураг /суулийн 3 сард авхуулсан/
  • Өмнө ажиллаж байсан бол тухайн байгууллагын тодорхойлолт
  • Хөдөлмөрийн дэвтэр, Нийгмийн даатгалын дэвтэр /хуулбар хувь/

Материал хүлээн авах:

Материал хүлээн авах сүүлийн хугацаа:

2018 оны 04-р сарын 03-ны өдрийн 16.00 цаг

БЗД 3-р хороо, Энхтайваны өргөн чөлөө 17, 13-р хороололын автобусны буудлын хойд талд Нийгмийн эрүүл мэндийн үндэсний төвийн байр.

Утас: 11-458645, 99094344 /хүний нөөцийн менежертэй холбогдох/