Мэдээ:
  • Төрөлт:Улсын хэмжээнд 2018 оны эхний 10 сарын байдлаар 64 112 эх төрсөн нь өнгөрсөн оны мөн үеэс 3295 төрөлтөөр буюу 5.4 хувиар өссөн байна. Амьд төрсөн хүүхэд:2018 оны эхний 10 сарын байдлаар улсын хэмжээнд 64 515 хүүхэд амьд төрсөн нь өнгөрсөн оны мөн үеэс 3328 хүүхдээр буюу 5.4 хувиар өсчээ. Амьд төрсөн хүүхдийн 33 172 буюу 51.4 хувь нь хүү, 31 343 буюу 48.6 хувь нь охин байна. Эхийн эндэгдэл:Улсын хэмжээнд 2018 оны эхний 10 сарын байдлаар эхийн эндэгдлийн 15 тохиолдол бүртгэгдэж, 100 000 амьд төрөлтөд 23.3 байгаа нь өнгөрсөн оны мөн үеэс 100 000 амьд төрөлтөд 1.2-оор буурсан байна. Нялхсын эндэгдэл:Улсын хэмжээнд нялхсын эндэгдлийн 865 тохиолдол бүртгэгдэж, 1000 амьд төрөлтөд 13.4 ногдож байгаа нь өнгөрсөн оны мөн үетэй харьцуулахад 16 тохиолдлоор өссөн хэдий ч 1000 амьд төрөлтөд 0.5-оор буурсан үзүүлэлттэй байна. Тав хүртэлх насны хүүхдийн эндэгдэл:Улсын хэмжээнд 2018 оны эхний 10 сарын байдлаар тав хүртэлх насны хүүхдийн эндэгдлийн 1088 тохиолдол бүртгэгдэж, 1000 амьд төрөлтөд 16.9 ногдож байгаа нь өмнөх оны мөн үетэй харьцуулахад 54 тохиолдлоор нэмэгдсэн байна. Нас баралт:2018 оны эхний 10 сарын байдлаар нас баралтын 14 360 тохиолдол бүртгэгдсэн нь өнгөрсөн оны мөн үеэс 1251 тохиолдлоор өссөн байна. Нийт нас баралтын 8689 тохиолдол буюу 60.5 хувь нь эрэгтэй, 5671 буюу 39.5 хувь нь эмэгтэй байна. Халдварт өвчин:Улсын хэмжээнд 26 төрлийн 34 300 халдварт өвчний тохиолдол бүртгэгдэж, 10 000 хүн амд 107.9 ногдож байна. Өмнөх оны мөн үеэс 2395 тохиолдлоор буюу 10 000 хүн амд ногдох өвчлөл 12.1-оор буурсан байна.
Эрүүл мэндийн салбарын нягтлан бодогч, санхүүгийн ажилтнуудыг чадавхижуулах сургалт боллоо.

Эрүүл мэндийн салбарын нягтлан бодогч, санхүүгийн ажилтнуудыг чадавхижуулах сургалт боллоо.

21 аймгийн эрүүл мэндийн газар, нэгдсэн эмнэлэг, Нийслэлийн эрүүл мэндийн газрын харъяа эмнэлэг, Төрөлжсөн мэргэшлийн эмнэлэг, тусгай мэргэжлийн төвүүдийн санхүүгийн ажилтнууд болох 80 гаруй мэргэжилтнүүдийг хамруулсан чадавхижуулах сургалт зохион байгууллаа.

Энэхүү сургалтын гол зорилго Эрүүл мэндийн салбарын нягтлан бодогч, санхүүгийн ажилтнуудын мэргэжлийн ур чадварыг дээшлүүлэхэд оршиж байгаа бөгөөд нягтлан бодох бүртгэлийн шинэчилсэн стандартууд, үндсэн хөрөнгийн дахин үнэлгээ, санхүүгийн тайлангийн аудит, санхүүгийн нэгтгэсэн тайлан, төсвийн гүйцэтгэлийн мэдээ тайлан гаргахад гардаг гол алдаа дутагдлыг арилгах, мөн эрүүл мэндийн тусламж үйлчилгээний өртөг тооцох, өртгийн судалгаа хэрхэн хийх, тусламж үйлчилгээний гүйцэтгэлийн шалгуур үзүүлэлтийг хэрхэн боловсруулах талаар онолын болон практик мэдлэгийг олголоо. Мөн Монгол улсын Эрүүл мэндийн үндэсний тооцоог 2003-2014 оны байдлаар тооцоолон гаргасан үр дүнг танилцууллаа.