Мэдээ:
  • Төрөлт: Улсын хэмжээнд 2018 оны эхний 8 сарын байдлаар 51 360 эх төрсөн нь өнгөрсөн оны мөн үеэс 3112 төрөлтөөр буюу 6.5 хувиар өссөн байна. Амьд төрсөн хүүхэд: 2018 оны эхний 8 сарын байдлаар улсын хэмжээнд 51 677 хүүхэд амьд төрсөн нь өнгөрсөн оны мөн үеэс 3113 хүүхдээр буюу 6.4 хувиар өсчээ. Амьд төрсөн хүүхдийн 26 603 буюу 51.5 хувь нь хүү, 25 074 буюу 48.5 хувь нь охин байна. Эхийн эндэгдэл: Улсын хэмжээнд 2018 оны эхний 8 сарын байдлаар эхийн эндэгдлийн 13 тохиолдол бүртгэгдэж, 100 000 амьд төрөлтөд 25.2 байгаа нь өнгөрсөн оны мөн үеэс 2 тохиолдол буюу 100 000 амьд төрөлтөд 2.5-оор өссөн байна. Нялхсын эндэгдэл: Улсын хэмжээнд нялхсын эндэгдлийн 691 тохиолдол бүртгэгдэж, 1000 амьд төрөлтөд 13.4 ногдож байгаа нь өнгөрсөн оны мөн үетэй харьцуулахад 8 тохиолдлоор өссөн хэдий ч 1000 амьд төрөлтөд 0.7-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2018 оны эхний 8 сарын байдлаар тав хүртэлх насны хүүхдийн эндэгдлийн 869 тохиолдол бүртгэгдэж, 1000 амьд төрөлтөд 16.8 ногдож байгаа нь өмнөх оны мөн үетэй харьцуулахад 44 тохиолдлоор нэмэгдсэн хэдий ч 1000 амьд төрөлтөд 0.2-оор буурсан үзүүлэлттэй байна. Нас баралт: 2018 оны эхний 8 сарын байдлаар нас баралтын 11 439 тохиолдол бүртгэгдсэн нь өнгөрсөн оны мөн үеэс 1068 тохиолдлоор өссөн байна. Нийт нас баралтын 6943 тохиолдол буюу 60.7 хувь нь эрэгтэй, 4496 буюу 39.3 хувь нь эмэгтэй байна. Халдварт өвчин: Улсын хэмжээнд 26 төрлийн 28 243 халдварт өвчний тохиолдол бүртгэгдэж, 10 000 хүн амд 88.9 ногдож байна. Өмнөх оны мөн үеэс 2937 тохиолдлоор буюу 10 000 хүн амд ногдох өвчлөл 13.1-оор буурсан байна.
Ажиллагсадад зориулсан цуврал лекцүүд зохион байгуулж байна.

Ажиллагсадад зориулсан цуврал лекцүүд зохион байгуулж байна.

Байгууллага бүр мэдээллийн цаг зохион байгуулж ажиллагсадаа мэдээллээр хангадаг билээ. Энэхүү мэдээллийн цагийг үр дүнтэй зохион байгуулж хэвшсэнээр маш олон хэрэгцээт мэдээллийг хүргэж болох  ач холбогдолтой байдаг.  Тиймээс энэ жилээс Эрүүл мэндийн хөгжлийн төв Ажиллагсадын мэдээллийн цагийг зөвхөн ажил ярьдаг, залхмаар биш хүнд хэрэгцээт мэдээллийг хүргэдэг, ажиллагсадын хүсэн хүлээдэг цаг болгох зорилго тавин сонирхолтой, хэрэгцээтэй, бүх ажиллагсадад хамааралтай хүртээмжтэй байлгах тал дээр анхааран зохион байгуулж эхлээд байгаа бөгөөд эхний зохиогдсон 3 мэдээллийн цагаас харахад ихээхэн үр дүнтэй болж байна.

 Энэ удаагийн мэдээллийн цагаар Эм, эмнэлгийн хэрэгслийн албаны хамт олны урилгаар Манба дацан хийдийн  хамба, Хүний гавьяат эмч  Д.Нацагдорж хүрэлцэн ирж “Ирэх жилийн өнгө, зөв явдал мөр” сэдвээр сонирхолтой  лекц уншиж, сонирхсон асуултад хариуллаа.