Мэдээ:
  • Төрөлт: Улсын хэмжээнд 2018 оны эхний 9 сарын байдлаар 57 593 эх төрсөн нь өнгөрсөн оны мөн үеэс 3206 төрөлтөөр буюу 5.9 хувиар өссөн байна. Амьд төрсөн хүүхэд: 2018 оны эхний 9 сарын байдлаар улсын хэмжээнд 57 961 хүүхэд амьд төрсөн нь өнгөрсөн оны мөн үеэс 3221 хүүхдээр буюу 5.9 хувиар өсчээ. Амьд төрсөн хүүхдийн 29 846 буюу 51.5 хувь нь хүү, 28 115 буюу 48.5 хувь нь охин байна. Эхийн эндэгдэл: Улсын хэмжээнд 2018 оны эхний 9 сарын байдлаар эхийн эндэгдлийн 13 тохиолдол бүртгэгдэж, 100 000 амьд төрөлтөд 22.4 байгаа нь өнгөрсөн оны мөн үеэс 1 тохиолдол буюу 100 000 амьд төрөлтөд 0.5-оор өссөн байна. Нялхсын эндэгдэл: Улсын хэмжээнд нялхсын эндэгдлийн 794 тохиолдол бүртгэгдэж, 1000 амьд төрөлтөд 13.7 ногдож байгаа нь өнгөрсөн оны мөн үетэй харьцуулахад 27 тохиолдлоор өссөн хэдий ч 1000 амьд төрөлтөд 0.3-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2018 оны эхний 9 сарын байдлаар тав хүртэлх насны хүүхдийн эндэгдлийн 991 тохиолдол бүртгэгдэж, 1000 амьд төрөлтөд 17.1 ногдож байгаа нь өмнөх оны мөн үетэй харьцуулахад 55 тохиолдлоор нэмэгдсэн байна. Нас баралт: 2018 оны эхний 9 сарын байдлаар нас баралтын 12 899 тохиолдол бүртгэгдсэн нь өнгөрсөн оны мөн үеэс 1168 тохиолдлоор өссөн байна. Нийт нас баралтын 7829 тохиолдол буюу 60.7 хувь нь эрэгтэй, 5070 буюу 39.3 хувь нь эмэгтэй байна. Халдварт өвчин: Улсын хэмжээнд 26 төрлийн 31 109 халдварт өвчний тохиолдол бүртгэгдэж, 10 000 хүн амд 97.9 ногдож байна. Өмнөх оны мөн үеэс 2716 тохиолдлоор буюу 10 000 хүн амд ногдох өвчлөл 12.7-оор буурсан байна.
ИНТЕРМЕД ЭМНЭЛЭГ СУЛ АЖЛЫН БАЙРНЫ ЗАР

Халдвартын эмч

Ажлын байрны зорилго: Халдварын тохиолдлууд болон хүүхдийн өвчнийг оношлох, эмчлэх, зөвлөгөө өгөх, вакцины үзлэг, аялалын анагаахын үзлэг хийх, зөвлөгөө өгөх, Халдварын хяналтын хорооны үйл ажиллагаанд дэмжлэг үзүүлэх.

Тавигдах шаардлага:

  • Халдварт өвчин судлалын эмч, хүүхдийн эмчийн давхар мэргэжилтэй бол давуу тал болно
  • Мэргэжлээрээ 3-аас дээш жил ажилласан ажлын туршлагатай
  • Эмчлэх эрхийн лицензтэй
  • Компьютерын оффис программууд дээр ажиллах чадвартай
  • Англи хэлний дундаас дээш түвшний мэдлэгтэй
  • Багаар ажиллах болон асуудал шийдвэрлэх чадвартай

Уламжлалт эмчилгээний эмч

Ажлын байрны зорилго: Уламжлалт анагаах ухааны тусламж, үйлчилгээг батлагдсан стандарт, удирдамжийн дагуу мэргэжлийн түвшинд үзүүлэх, эм барих

 Тавигдах шаардлага:

  • Уламжлалт анагаахын их эмч мэргэжилтэй
  • 3-аас доошгүй жилийн ажлын туршлагатай
  • Зүү төөнө заслын чиглэлээр төрөлжсөн мэргэжил эзэмшсэн, уламжлалт болон зүү төөнө заслаар мэргэжлийн зэрэг хамгаалсан байвал сайн
  • Компьютерийн хэрэглээний программууд дээр ажиллах чадвартай
  • Сэргээн засах эмчилгээний эмчээр давхар мэргэшсэн бол давуу тал болно

Хүүхдийн эмч /Гэрээт/

Ажлын байрны зорилго: Эмчилгээ, үйлчилгээг батлагдсан стандарт, удирдамжийн дагуу мэргэжлийн өндөр түвшинд үзүүлэх.

Тавигдах шаардлага:

  • Анагаах ухааны их дээд сургуулийг хүний их эмч мэргэжлээр төгссөн
  • Хүүхдийн эмчээр мэргэшсэн, ажлын 3-с доошгүй жилийн ажлын туршлагатай
  • Хүүхдийн хоол боловсруулах эрхтний эмгэг судлалаар мэргэшсэн бол давуу талтай
  • Мэргэжлийн үйл ажиллагаа эрхлэх зөвшөөрөлтэй
  • Англи хэлний дундаас дээш түвшний мэдлэгтэй
  • Харилцааны өндөр ур чадвартай

Эх барих эмэгтэйчүүдийн эмч

Ажлын байрны зорилго: Эх барих, эмэгэйчүүдийн тусламж, үйлчилгээг батлагдсан стандарт, удирдамжийн дагуу мэргэжлийн түвшинд үзүүлэх

Ажлын байранд тавигдах шаардлага:

  • Анагаах ухааны бакалавр болон түүнээс дээш зэргийн боловсрол эзэмшсэн
  • Эх барих, эмэгтэйчүүдийн чиглэлээр мэргэшсэн, 2 буюу түүнээс дээш жил энэ чиглэлээр ажилласан туршлагатай
  • Мэргэжлийн үйл ажиллагаа эрхлэх зөвшөөрөлтэй,
  • Эмэгтэйчүүдийн дурангийн мэс заслаар ажиллаж байсан бол давуу талтай
  • Англи хэлний дундаас дээш түвшний мэдлэгтэй
  • Харилцааны өндөр ур чадвартай, хариуцлагатай, багаар ажиллах чадвартай
  • Эмнэлгийн мэргэжилтний ёс зүйн хэмжээг эрхэмлэн дээдэлдэг, харилцаа хандлага сайтай

Техникч /Нян судлал/

Ажлын байрны зорилго: Лабораторийн дотоод журам, халдвар хамгааллын дүрмийг чандлан сахиж, шинжилгээг стандартын дагуу чанартай хийж гүйцэтгэх.

Тавигдах шаардлага:

  • ·Эмнэлгийн лабораторийн техникч мэргэжилтэй
  • ·Нян судлалын техникчийн мэргэжил олгох курс төгссөн
  • ·Нян судлалын лабораторид ажилласан туршлагатай бол сайн
  • ·Компьютерийн болон англи хэлний зохих түвшний мэдлэгтэй
  • ·Эмнэлгийн мэргэжилтний ёс зүйг эрхэмлэн дээдэлдэг байх

Ээлжийн сувилагч

/Хүүхдийн сувилагч, ээлжийн сувилагчийн ажлын байранд байнга анкет хүлээн авна/

Ажлын байрны зорилго/ үүрэг:  Эмнэлгийн тасаг, нэгжийн чиг үүргийн хүрээнд сувилахуйн тусламж, үйлчилгээг батлагдсан стандарт сувилахуйн тусламж, үйлчилгээний удирдамжийн дагуу мэргэжлийн түвшинд үзүүлэх 

Тавигдах шаардлага:

  • Сувилахуйн үйл ажиллагаа эрхлэх зөвшөөрөлтэй;
  • Сувилагч мэргэжил эзэмшсэн байх
  • Англи хэлний мэдлэгтэй бол давуу талтай

Хүүхдийн сувилагч

/Хүүхдийн сувилагч, ээлжийн сувилагчийн ажлын байранд байнга анкет хүлээн авна/

Ажлын байрны зорилго/ үүрэг:  Эмнэлгийн тасаг, нэгжийн чиг үүргийн хүрээнд сувилахуйн тусламж, үйлчилгээг батлагдсан стандарт сувилахуйн тусламж, үйлчилгээний удирдамжийн дагуу мэргэжлийн түвшинд үзүүлэх 

Тавигдах шаардлага:

  • Сувилахуйн үйл ажиллагаа эрхлэх зөвшөөрөлтэй;
  • Сувилагч мэргэжил эзэмшсэн байх
  • Англи хэлний мэдлэгтэй бол давуу талтай

Эм найруулагч

Ажлын байрны зорилго: Эмнэлгийн тусламж үйлчилгээнд шаардлагатай эм бэлдмэлийг технологийн дагуу бэлтгэх, савлах, хаяглах,  хадгалах, түгээх

Тавигдах шаардлага:  

  • Анагаах ухааны боловсрол олгох их, дээд сургуулийг эм найруулагч мэргэжлээр төгссөн
  • Мэргэжлийн үйл ажиллагаа эрхлэх зөвшөөрөлтэй
  • Англи хэлний мэдлэгтэй
  • Мэргэжлээрээ ажилласан туршлагатай. Нийтийн үйлчилгээтэй эмийн санд ажиллаж байсан бол давуу тал болно.
  • Хурдан, шаламгай
  • Харилцааны соёлтой
  • Багаар ажиллах чадвартай

ИНТЕРМЕД ЭМНЭЛЭГ

Захиргаа, хүний нөөцийн алба

8000-0202

hr@intermed.mn

www.intermed.mn